Барлық кезде де әдептілік маңызды болған. Ал іскери адамдар кездесу барысында амандасудан бастап қоштасқанға дейін өзін-өзі ұстай білуі тиіс. Егер сіз мекеменің ішіне кірсеңіз, міндетті түрде бірінші амандасыңыз. Сіздің жынысыңыз да, қызметіңіз де бұл жерде маңызды емес. Бизнес-серіктесіңіздің бөлмесінде басқа адамдар жүрсе, барлығына бірдей басыңызды изеп амандасыңыз. Сосын сізді кездесуге шақырған адамның қолын алып, сәлемдесіп қана қоймай қал-жағдайын сұраңыз. Бизнес-серіктесіңізді аты-жөнімен атағаныңыз жөн. Танысу кезінде, сізге өзін таныстырып жатқанда немесе сіз өзіңізді таныстырған жағдайда қолыңызды беруге асықпаңыз. Сізді таныстырып тұрған жан бірінші қолын беру керек. Есіңізде сақтаңыз: іскерлік этикетте, ресми кездесу кезінде әйел адамның қолынан сүюге болмайды.
Толығырақ