Корей сорпасы: Миок кук
Бұл сорпа ламинария немесе басқаша айтқанда теңіз қырыққабатынан дайындалады. Бұл сорпа корей асханасына тиесілі. Корей халқы сорпаны көбіне туған күндерінде пісіреді. Сондай-ақ сорпаны жаңадан босанған әйелдерге ішкізеді. Қазақтың қара сорпаны ішкізуі сияқты, корейлер теңіз қырыққабат сорпасы аналардың денсаулығына пайдасы мол деп сенеді.
Құрамы:
– кептірілген теңіз қырыққабаты;
– 1 ас қасық күнжіт майы;
– 1 ас қасық соя тұздығы;
– 2 түйір сарымсақ;
– 150 гр.ет.
Дайындалу тәсілі:
Алдыменен кептірілген теңіз қырыққабатының 7-10 жапырағын алып, 1 сағаттай суға салып қойыңыз. Суда қырыққабаттың көлемі өседі. Осы уақытта етті қайнатыңыз. Етті сүзіп алыңыз да, майдалап тураңыз. Жібіген қырыққабатты шайып, сорпаға қосыңыз. Сарымсақты майдалап турап, қосыңыз. Қайнап тұрған сорпаға пияз турап қоссаңыз болады. 20-30 минут қайнатқан соң, күнжіт немесе өсімдік майы мен соя тұздығын қосып араластырыңыз. Тағы 5-10 минут қайнатып, астын өшіріңіз. Піскен күрішпен қосып ішкен жақсы. Асыңыз дәмді болсын!
Толығырақ