Алғаш пәтерімді қалай сатып алдым?
Мен Нұр-Сұлтан қаласына бес жыл бұрын көшіп келдім, ол кезде жасым 25-те болатын. Алғаш пәтер жалдап тұрдым, сосын біраз уақыт өткеннен кейін пәтер сатып алуды жоспарладым. Ата-анам қол ұшын беретіндерін айтты. Сөйтіп мен пәтер сатып алуға ақша жинай бастадым. Банктен депозит ашып, үш жыл бойы ай сайын 100 мың теңгеден салып тұрдым. Қысқа мерзімде пәтердің 50 пайыз ақшасын жинадым, сосын пәтер сатып алуға бел будым, пәтер тауып, қысқа мерзімде құжаттарын жинап, оны ипотекаға сатып алдым. Пәтердің қала шетінде орналаспағаны, қасында емхана, мектеп, балабақша секілді тағы басқа мекемелердің болуы мен үшін маңызды болды. Алғаш пәтердің кілті қолыма тигенде қуанышымда шек болмады. Мақсатыма жеткенім қаржыны дұрыс жоспарлаудың арқасы деп білемін. Менің ойымша, кез келген істі бастамас бұрын, нақты жоспар керек.
Толығырақ