Бұл байқауға алғаш рет қатыстым. Байқау еліміздің жастарын бизнеспен айналысуға, жақсы нәтижеге жетуге ынталандырады.
Байқау барысында әрбір қатысушы жеңіске жету үшін қыруар жұмыс атқарып қана қоймай, жеңіске деген сенімділікті жоғалтпау керек. Себебі байқау тапсырмалары бірнеше кезеңнен тұрады және өте көп жұмыс істеуді, ізденуді талап етеді. Бірінші кезеңде өз армандарың мен мақсаттарың туралы шағын бейнематериал дайындауың керек. Басты талап – бұрын ешкімде болмаған идеяң болуы қажет. Ондай идея ойлап табу үшін маған 2 аптадай уақыт кетті. Келесі кезеңде сол идеяларың арқылы қалай нәтижеге жету жолдарын көрсететін жоспар құру. Бұл жерде сен өзіңнің жасампаздығыңды көрсете білуің керек. Тағы бір талап жоспарда болашақ табысыңның төмендеу және көтерілу кезеңдерін болжалды түрде сипаттауың қажет. Ең қиын тапсырма түрі осы болды. Дегенмен, табандылықтың арқасында екі кезеңнен өттім, келесі айда үшінші кезең басталады. Қазір соған дайындық үстіндемін.
Толығырақ