Адам өміріне қауіп төнгенде адам ағзасы ғаламаттың күшімен ерекше қуатқа ие болады.Адам ағзасының мұндай мүмкіндігін көрсететін оқиғалар жер бетінде баршылық. Солардың біразын сіздерге ұсынамыз:
1. Полярлық ұшқыш өз ұшағын жөндеп жатып, біреудің түрткенін сезеді. Жалт қараса, оны түрткен сүйкімді әрі қорқынышты ақ аю екен. Келесі секундта ұшқыш жерден екі метр биіктікте, ұшақтың қанатында тұрып есін жияды. Оған қалай шығып кеткенін ұшқыштың өзі де білмей аң-таң болады.
2. Жеңіл автокөліктің астына түсіп қалған баласын құтқару үшін анасы автокөлікті көтеріп алады. Жас ана бұл әрекетін де түсіндіре алмады.
3. Екі жасар баланың 7-қабаттан құлап бара жатқанын көрген ана оны бір қолымен ұстап қалады. Ол құтқарушылар келгенше баланы бір қолымен, терезенің жақтауын тек екі саусағымен ұстап тұрған. Кейін құтқарушылар оның саусақтарын жақтаудан әрең-әрең ажыратқан.
4. Қыстың күні бір автокөлік апатқа ұшырайды. Өзінің 40 жасар ұлының өмірін сақтап қалу үшін 70-тегі әже оны арқасына салып алып, қалың қармен 13 км жерді жүріп өткен. Адам омыртқасы қиын жағдайларда 10 тонналық жүкті көтере алады екен. Адамның осындай сиқырлы мүмкіндігі тек өміріне қауіп төнген кезде ғана емес, ұзақ жаттығулардың әсерінен де байқалып жатады. Оған Гиннестің рекордтар кітабына енген оқиғаларды, спортшылар орнатқан түрлі рекордтарды жатқызуға болады.
Толығырақ