Көпшілік алдында көбінесе баяндама, дәріс оқылады. Оны қоғамдық, экономикалық, мәдени мәселелерді көтеруге байланысты қарым-қатынас орнатуда, ақпарат құралдарында да қолданады. Мұндағы маңызды мәселе, айтатын сөздің мазмұндылығы, қажеттілігі, көпті қызықтыруы.
Көпшілік алдында сөз сөйлеу үшін арнайы дайындық қажет. Артық сөздерді алып тастап, ойды жүйелеп, логикалық байланысын дайындап алған абзал. Сонымен қатар қалжың, сықақ, өткір сөздерді де пайдаланған дұрыс. Сөзіңізді тыңдаушы көңіл қойып тыңдап, ұғынуы үшін ым-ишарат тілін де орынды пайдалануыңыз тиіс. Халқымыз "Ымды түсінбеген, дымды түсінбейді" дейді.
Сонымен, көпшілік алдында сөйлеуге алдын ала дайындалудың маңызы зор. Соның әсерінен айтылатын ойыңды анық, жүйелі, бейнелі, таза жеткізуге қол жеткізесің. Осындай дайындықтың арқасында мені барған жерімде ұйып тыңдайды, сөзім тыңдаушы жүрегіне жетеді.
Толығырақ