Бүгінгі таңда әлемдік туризм – экономиканың жедел дамып жатқан салаларының бірі. Әрбір 11-жұмыс орны дәл осы туристік индустрияда құрылады. Әлемді шарлауға шығушылар саны жылдан жылға жоғарылап келеді.
Ал Қазақстанға келетіндердің негізгі ағыны – Өзбекстан мен Қырғызстаннан келетін еңбек мигранттары екен. Қазақстандық туристік саланың сарапшылары Қазақстанға туристік сапармен келетіндер санының аздығын айтады. Орналастыру орындарының, яғни қонақ үйлердің, кемпингтердің, хостелдердің, мейманханалардың орташа толымдылығы 23,5% ғана. Әрі бұл көрсеткіш төсек-орын саны 130 мыңға бағаланатын еліміздің қонақжайлылық әлеуетінің өзінде осындай болып тұр. 2015 жылы Қазақстанда барлығы 2056 орналастыру орны есептелген, соның 11%-ы ғана жұлдызды қонақ үйлер екен, қалғандары санаты жоқ қонақ үйлер немесе басқа орналастыру орны ретінде саналады. Әлемнің 141 елінің ішінде Туризм және саяхат саласындағы бәсекеге қабілеттілік рейтінгісінде Қазақстан небары 85 орынға табан тіреген.
Толығырақ