Жер бетінде тек жоғары сатыдағы өсімдіктердің 500 мыңға жуық түрлері бар. Өсімдіктер әлемі – нағыз тіршілік атаулының тірегі. Ол өлі табиғат пен тірі табиғат аралығындағы дәнекер, яғни органикалық емес заттарды адам мен хайуанаттар қабылдай алатындай етіп, бойына түрлі микроэлементтерді, дәрумендерді және басқа тіршілік негізіне қажетті заттарды жинақтайды.
Өсімдіктердің міндеті көп. Соның бірі олардың топырақ құнарлығын арттырады, әрі ең бастысы адамның күнделікті өміріне қажетті заттармен қамтамасыз етіп отырады. Айталық, дастарқанға қойылатын нан мен киетін киімге дейін осы өсімдіктер әлемінен алынады.
Бүгінде адам баласы өзінің қажетіне өсімдіктің 2,5 мың түрін пайдаланатын болса, соның мыңға жуығы мәдени түрде өсірілетін өсімдіктер.
Жасыл өсімдіктер жер бетіне біркелкі таралмаған, олар түрімен қоры жағынан бір-біріне табиғат белдеулері бойынша ажыратылады.
Бүгінде еліміздің аумағында өсімдіктердің 5600 түрі өсетіндігі белгілі, оның 758 түрі қазақ топырағында ғана өсетін эндемик өсімдіктер.
Сонымен қатар өлкемізде сонау ертедегі дәуірлерден бері жойылып кетпей, бізге жеткен, яғни реликті өсімдіктердің көптеген түрлері де өседі.
Толығырақ