Еліміздің батыс өңірінің тұрғындары өздерінің қаржылық білімдеріне сенімді, қанағаттанарлық деп есептесе, оңтүстік облыстарындағы жұртшылық бұл сфераға келгенде қорқынышқа бой алдырады. Адам әрқашан білмеген нәрсесінен қорқатыны заңдылық қой. Жекелей келгенде ер жігіттер әйелдерге қарағанда қаржылық біліміміз қажетті деңгейде деп санайды екен. Зерттеушілердің айтуынша, жалпы аймақтық деңгейде халықтың экономикалық сауаттылығына «2» деген баға қоюға болады.
АҚШ, Қытай, Бразилия, Австрия, Ұлыбритания тәрізді елдерде қаржылық сауаттылық мемлекеттік саясаттың ең маңызды бағыты ретінде қарастырылады. Көрші Ресейдің өзінде бұл бағдарлама 2006 жылдардан бастап қолға алына бастаған. Федералды бюджет пен Халықаралық Банк біріге отырып, 5 жылдық жоспар құрып, 110 млн доллар қаржы бөлінген. Айта кетейік, жоғарыдағы зерттеу жұмыстары kaspi bank «Қаржы мәдениеті» бағдарламасымен бірлесе отырып жүзеге асырылған. Банк тарапынан бұл шараға 1 млн доллар бөлінді. Әрине, бұл жерде Ресей мен Қазақстан тәрізді елдердің жер көлемі мен халық санын да ескерген жөн.
Толығырақ