Жаһандану экономикалық, саяси және мәдени интеграциялануда әлемдік жойқын үдеріс ретінде тіл саласына да өз ықпалын тигізуде. Тілдік жаһанданудың айқын көрінісі ретінде халықаралық байланыстағы, цифрлық технологиялардағы, саясат, ғылым және мәдениет салаларындағы ағылшын тілінің таралуын айтуға болады.
Әлемдегі ағылшын тілінің нұсқаларының көбеюі – ағылшын тілінің болашағы үшін теріс фактор болып саналады, себебі жаһандық ағылшын тілі – бұл біз білетін және бұрын шет тілі ретінде оқыған ағылшын тілі емес. Бұл – тілдік өзгерістерге түскен жаңа құбылыс, тіл иермендері бұл құбылыстарды онша құптамайды.
У.Аммон «жаһандық тіл» ұғымы мен халықаралық қатынас тілдерінің алуан түрлілігіне назар аудара отырып, тілдің «жаһандық мәртебесі» мен «жаһандық функциясы» арасындағы айырмашылықты ажыратады. Мысалы, испан тілі үш континентте қолданылғандықтан, У.Аммонның пікірінше, жаһандық мәртебеге ие, бірақ ол жаһандық қызмет атқаруда ағылшын тілінен төмен тұрады.
Толығырақ